Ólétta, tími sem þú átt að ljóma og geisla. Þetta pregnancy “glow” sem allir eru að tala um. 
Jú stundum líður manni vel og finnst maður vera gordjöss eeeen svo kemur tími sem þú ert akkúrat öfugt við gordjöss. En fæstir tala um þessa “ógeðslegu” hluti. Jújú, það er talað um morgunógleðina en það er ekki allt. 

Prump og þrútinn magi

Á meðgöngu fer eitt ákveðið hormón að aukast sem heitir Progesteron. Það hormón mýkir upp meltingarveginn sem veldur mikilli prumpframleiðslu! Og lyktin er muuun verri en vanalega. Mæli með að undirbúa þig og manninn þinn fyrir þetta tímabil! Og ef þú ert ekki enn búin að prumpa fyrir framan hann, þá mæli ég með að brjóta þann múr núna því þú munt vera prumpandi… endalaust. 

Bólur

Ef þú ert með góða húð á meðgöngu, þá verður hún slæm eftir meðgöngu. Sást ekki á minni húð þegar ég var ólétt og hún var uppá sitt besta. En núna get ég ekki sagt það sama! Hormónin sem kallast androgens eru sökudólgarnir. Til að forðast slæma húð þá mæli ég með að nota vörur sem henta fyrir olíu mikla húð. En það getur vel verið að það geri bara nákvæmlega ekkert fyrir þig. Góð húðumhirða er gríðarlega mikilvæg bæði á meðgöngu og á eftir! 

Hár

Og nei, ég er ekki að tala um hárið á höfðinu á þér. Ég er til dæmis að tala um hárin á maganum þínum! Margar konur fá “sportrönd” á meðgöngu og lööööng hár. Þýðir ekkert að raka þau því þau koma aftur. Ekki láta þér bregða ef þú færð líka allt í einu yfirvaraskegg!

Hægðartregða

Enn af aftur kemur hormónið Progesteron til sögunnar. Það er ekki nóg að láta þig vera prumpandi endalaust heldur þarftu að fá hægðartregðu! Mæli með að borða járn- og trefjaríkan mat því þetta er ekki þæginlegt og getur valdið jafn slæmum verkjum og hríðir! Ef þú lendir í þessu, plís talaðu við lækni heldur en að kúka ekkert í nokkra daga. 

Gyllinæð

Gyllinæð er mjög algeng á meðgöngu og á eftir. Gerist útaf bláæðin í endaþarminum víkkar út og myndar æðahnúta. Þetta er ekkert til að skammast sín yfir vegna þess að þetta er mjög mjög algengt. Ef þú hefur grun þá mæli ég með að hafa samband við lækni til að tríta þetta a s a p.

Viðkvæmur gómur

Almáttugur, ég er enn að jafna mig í gómnum! Var svo sjúklega viðkvæm. Fannst á einum tímapunkti eins og tennurnar mínar væru lausar. En sem betur fer er þetta ekkert til þess að hafa áhyggjur af. 

Blóðnasir

Ég var með fossandi blóðnasir eeeendalaust fyrstu 20 vikurnar! Þetta er útaf á meðgöngu þá þynnist slímhúðin í nefinu. 

Brjóstsviði

Brjóstsviði byrjaði snemma hjá mér og varð verri og verri eftir því sem leið á meðgönguna. Mæli með að birgja þig upp af brjóstsviðalyfjum og tala við lækni. Man þegar ég var nýbúin að eiga Frosta, grínlaust örfáum sekundum eftir fæðinguna bað ég um vatn, þambaði og hugsaði strax “Jess! Engin brjóstsviði!!!”.

Húðnabbar

Já, mjög charming en það gerist fyrir sumar að þær fá húðnabba. Sem betur fer er auðvelt að taka þá af og eru algjörlega skaðlausar. Ef nabbarnir eru á óheppilegum stöðum geta þeir valdið pirring og þá mæli ég með að hafa samband við húðlækni og láta fjarlægja. 

Sviti

Þú munt svitna eins og þú fáir borgað fyrir það! Ég var sem betur fer ólétt yfir vetrartímann en apríl og maí var mjög heitur mánuður fyrir mér. Þú svitnar í andlitinu, brjóstunum… allstaðar. Og ekki mun þetta skána þegar brjóstagjöfin byrjar! 

Sorry but not so sorry haha! Endilega bætið við í komments ef ég er að gleyma einhverju! 

 

snap: asdisgudny
Instagram: asdisgudny93